Part 1: Vision, positioning, moats and trade-offs

Module 2 · Sat 18 Jul

Order sahi rakho: vision (hum kahan ja rahe hain) → mission (hum kaunsi problem solve karte hain) → strategy (hum kaunsa raasta chunte hain) → roadmap (steps). Roadmap strategy nahi hai - jab tak upar strategy na ho, woh bas ek list hai. Airbnb aur Tesla class examples the.

Positioning ek designed trade-off hai: aap chunte ho ki aap kismein best ho, aur kiske liye. Apple vs Android, Ola vs Uber. Aap sab kuch nahi jeet sakte, isliye strategy aksar yeh decide karna hai ki kya chhodna hai - WhatsApp ne early revenue ki jagah growth chuni; airlines comfort ya price chunti hain.

• Moats aapko aage rakhte hain: data, switching cost, brand/trust, proprietary AI model, distribution, network effects.
• Moats gayab ho sakte hain: Kodak, Nokia aur Jasper ne duniya badalne par apne moats kho diye.
• Timing: first mover hamesha winner nahi hota - Facebook Orkut ke baad aaya lekin narrow start kiya (ek college) aur jeet gaya.

Products kaise jeet-te hain: better experience, better economics (ROI), ya better distribution - best tab jab teeno saath mein loop karein. Second-order effects mein socho: har change ki lehar aage jaati hai. Retargeting ads users ko irritate kar sakti hain; Airbnb ka professional photos mandatory karna trust banata hai, lekin photos ko slow networks aur saste phones par bhi load hona padta hai.